وليه اشتاق..
وانا عارف يان اللي مابينا أكيد..
نهايته فراق
وليه اشتاق؟
مادام القصه معروفه
في اخر صفحة العشاق
لا عنتر يوم بقى لعبله
ولا روميو بقى لجولييت
ولا قيس كان نصيب ليلى
وصبحوا قصه في الحواديت
وقصتنا ماليها مثيل
انا وانتي اللي عارفينها
ماهش غنوايا في المواويل
لكن حاسينها .... شايفينها
وعايشينها...
بكل مافيها م التفاصيل
لا خططنا في يوم لبعاد
ولا قررنا مره رحيل
لكن مش بيدي ولا بيدك
نفارق بعض في الآخر
لا هايفيدني ولا يفيدك
دموعنا...
بجد مش قادر
*****
لكن ذكرى وهاتفضل عايشه
في خيالي
وصوره رسمتها بريشة
مشاعري ونبض احساسي
وكلمة كتبتها بدمي وغنتها
في موالي
هاتفضل عايشه جوايا
ولا يمكن اكون ناسي
ولا هابعد انا بخاطري
بلاش تبكي عشان خاطري
دموعك نار بتحرقني
وتمحي كلمتي ف سطري
فخليني ..
في لحظة ما العيون تبكي
ولحظة ما الايدين تبعد
اعيش على ذكرى ايامك
ومش هانسى
ازورك كل يوم مره
في احلامك
.........
محمد الساعي