كُل القلــــــوب بتخون
.
وتغير المضمــــون
.
تعشق ساعات وساعات
.
عِشق الليالى يهـــون
.
إلا إنتـــــــــى يا أُمى
.
قلبك بطبعه حنــون
.
قلبك يا أُمـــى براح
.
يساع جميع الكـــون
.
بابُه بــــــلا مفتاح
.
طيب وفـــى وبيصون
.
قلبك وطن إحساس
.
يا امــــــايه قلبك نور
.
متربى ع الإخــــلاص
.
وبطبعه يا امه صبــور
.
عُمره ما يوم اشتكى
.
ولا مَره بات زعــــلان
.
ولا قــــال تعبت وبكا
.
و لا غير العنـــــوان
.
قلبك كـــبير وكبــير
.
ف الوصف مالهوش زى
.
لو يصــــــدق التعبير
.
قلبك لقلبى المي
.
قلبك لقلبــى حياة
.
من غيرُه قلبى يموت
.
اول ما اقـــــول الآه
.
بيرد نفس الصـــوت
.
مهما قَسيت وغويت
.
ما بشوفش غير طيبه
.
حتى لــــو اتجَنيت
.
يسامحنى ع العيبه
.
مين اللى قلبه كده؟!!
.
فـــ الـدنيا دى زيك
.
يا أُمـــــى يا طيبه
.
بتوضا مـــــن ضيك
.
لـو قُلت عاشقك انا
.
العشق ما يكفــى
.
ولا كل عشق الدنا
.
يا امايه هيــــوفى
.
انت اصول العشق
.
يا شجرة الإحساس
.
طرحك امانه وصدق
.
و جذعك الإخــــلاص
.
أُمـــى يا ام الخير
.
من غير ما اقول وأعيد
.
قلبك لــــوحده غير
.
قلبك مــلوهشِِ نديد
*********
قلم/ حلمى قاسم