_____________
يا حبيبتى الشعـر دا كله
سوى فصحى إن كان أوعامي
مـكتوب علشانك إنتِ
فبلاش بالـنـاس تهـتـــمي
وتشكى ف صدق كلامي
وتسييء معــاهـم فهــمي
وكإنى لا دوبت ف حبك
ولادوّب ورقـــك قلـمــي
إزاى وبكل بســـــــاطة
ياسمــــايا ونيلي وهرمي
تقوليلى عشان تثبت لي
إكتب لي قصيدة بإسمى
وكإنى وبعـــــــد دا كله
مُضطر أثبتلك رسمي
إن إنتِ ف كل كياني
وف لحمى ياروحى وعضمى
بقوا هُمَّا خلاص الأصدق
ياخسارة ماكنشي دا عشمي
دانا لو حللت ياعُمـــــــري
هالقـــــاكِ بتسري ف دمى
مانا قبلك لأ ....ما عشقتش
غـير بـس مجــــــــازاُ أمي
__________
بقلم الشاعر :
أحمد عبد الشافى أحمد
عضو نادى الأدب بقصر ثقافة المطرية