(( عين الناس )) بقلم الشاعرة / جهاد زيادة

 

وصفحة قلبي مفتوحه
و صفحة قلبه مطويه
و عايشه اللحظه مجروحه
عايشها هجر و أسيه
و بتنهد تقولشي دي نااار
و يتنهد بروود جبااار
و حسه مشاعري كتلة نار
و هو مشاعره مش ليا
و دمع عيوني ما فارقني
و هو الضحكه ماليه الدار
تكونشي دعوه صايباني !
و عين مالناس ملزماني
و حد عاملي كودية و زار
و داعي عليا ليل و نهار
أشوف المر في وصله
و اعيش بالحيرة و الأفكار
يا ناس :
لو حد حاسدني
أمانه يحل عن فكري
دا منه شبت من بدري
و دليلي احتار
و قااال فاكريني فرحانه
و جوه الفرح سهرانه
و هم القلب بيتني
علي الاذكار مشتتني
و عين مالناس ما سيباني
عيوني الحلوه دبلها
و جوه القلب تب لها
و يفرح لما أقوول يااااني
فأرجوكم ...
بلاش حاسدين
و خلوا الاهه في الوجدان
تسمي عليه ليوم الدين

...............

جهاد زيادة