م الصبح بدرى حتى التماسى
فلاح وقاعد ع المروه راسى
بالحب بروى من قلبى زرعى
والأرض عندى سُلطه وكراسى
والسلطه عندى تِخضر أرضى
أنا أرضى عندى إبنى وعرضى
والزارعه تطرح ف كل مطرح
وطرحى دايما وهبه لبلدى
بحب أيوه الجلابيه
وراسى بتزينها الطقيه
والصحبه تحلى أحلى وأحلى
لو مره شافت عينى الصبيا
فلاح وعمرى عايش أصيل
عايش بعزه زى النخيل
عاشق لناسى عارف أساسى
شارب ومروى منك يا نيل
مزروع وساكن كل المساكن
والزرع لخضر ف قلبى ساكن
والقمحه طارحه وياها فرحه
الله عليه ورد الجناين
فرحان بزرعى وقت الحصاد
والرزق وهبه رب العباد
حلمى وشايفه أُدام عينيه
كأنى شاف واد م الولاد
..............
كلمات / رضا أبو الغيط