انا انت...الشاعرة نـجــاة عبد الحليم

تسافر في تفاصيلي
اشوف الدمعة في عيونك
و مناديلي
ادوق المر بلسانك
م انا انت
وانا قلبك ووجدانك
انا اللي عايشة علشانك
انا اللي النسمة زارتني
و قالت لي
اخاف تقسي
اخاف تنسي و تنساني
واخاف م الحب و زماني 
اداري الحزن في قلبي
وعيني تملي فاضحاني
حنيني خلاص بيتسرسب
اغمض عيني و اتعذب
اخدرني
واسكت نفسي ولساني
وانغامي و الحاني
و بعد ما افوق
اكلم نفسي و انساني
م انا اتجننت 
انا اللي الشوق مدوبني 
هواك دايما معذبني
اقول انسي
م انا خايفة
اخاف تعشق حبيب تاني
واكلم نفسي يا عمري
و يا كياني
واقول ازاي ؟
تسيبني ازاي ؟!
و حبك دمي شرياني
اضمك جوة احضاني
و انسي زماني و مكاني
ليه يا اناني
تسافر في تفاصيلي
واشوف الدمعة في عيونك
و مناديلي
ادوق المر بلسانك
م انا انت
و انا قلبك ووجدان

........................

 نجاة عبد الحليم