مبروك يا بنت أبوكى
عقباله كمان أخوكى
بتمنى.... يا حبيبتى
للكل .. يحصلوكى
يا عروسه يا حته منى
فرحان بيكى لإنى
شايفك... قدام عنيا
بالطرحه جنبى منى
من يوم م الفرح جالك
وف قلبه يا روحى شالك
وأنا بدعى ف كل لحظه
تتحقق ......يوم أمالك
الله ع الفرحه لما
بتكون للعيله لما
آدى اخته ويا اخوكى
والخاله .حاضنه عَمه
عينيا شايفه أُمك
وخالك ويا عمك
والفرحه زوقوها
وجبوها لحد منك
فرحان بيكى النها رده
واليوم ده بس ها أرضى
واحد غيرى يحبك
مبروك يا احلى ورده
مبروك يا عروسه يا أموره
يا عروسه حلوه وسنيوره
انا شايفك وعريسك جنبك
والفرحه باينه ف الصوره
مبروك يا حبايب عروستنا
وياكو بتكمل فرحتنا
وفتحنا للحب قلوبنا
زغروده حلوه لعروستنا
زغروده حلوه لعريسنا
ف الزفه والله مأنسنا
من قلبى ألفين مبروك
لعروسه ف قلبك يا عريسنا
يا عريسنا انت اللى مناها
ارعاها ......واحلم وياها
د عروستك حلوه وأموره
وانا عارفك والله بتهواها
........................
كلمات / رضا أبو الغيط