جورج وعلى..الشاعر رمضان عــزوز

*********

الأولــــــه با بعت .... حبى وتقديــــــــرى
لكل شاب مصرى ... شارك فى تعميـــرى
لجل الرخاء ما يعم ... ويعيش على خـيرى
ويسير عى دربى .... ويصون دساتيـــرى
********
والتانية باحكى .. عن جورج باسيـــــــلى
فلاح بسيط غاوى .. ينشد مواويــــــــــلى
يشرب مياه النيل ... ويقيد قناديــــــــــلى
عايش على ارضى .... حافظ على نيــلى
*********
أعداء كتير قادوا .... نــار الفتن والبــين
وقسموا الأمـــــــــة .. اقـــباط ومسلمين
قلت النسيج واحد ... عمره ماكان اتنين
دا الرب خالقهم .... وكلهم من طــــــين
*********
ياما العدو حاول ..... يزرع فتن وغــــــــل
قتتتال المسيحيين .... عايشين هنا فى الظـل
قلت النسيح واحد... اصل الــــوطن للكــــل
عيشين هنا احباب ... من غير عذاب او ذل
*********
ثورة تسع تاشر .... ماثلة أمام العيـــــــن
والأمس كان شاهد .. حرب الصليبيـــــن
ثورة تسع تاشر ... شوفوا الضحايا مين
كان الشهيد لمعى .. حاضن اخوه ياسين
**********
اعداء كتير حاولوا .... يـقـيـدوا فـيناالــنار
قلت النسيح واحـد .... وحسين اخوه مقار
والـــدين هنا للـــــه .... والجار هنا للجــار
و ف حربنا الكبرى .... عمر الرصاص ما اختار

ـــــــــــــــــــــــــــــــــــــــ
للشاعر والأديب رمضان عزوز