لحظة حزن ...الشاعر محمد المصرى ( ديوان العرب )

*************

ودوّر جوه دواليبك

فى كراكيبك 
فى لحظة حزن بتصيبك 
على روحك
ولم الهم فى شوالك

بأحوالك
وبص جوة فى مرايتك

على حكايتك 
وقول مالك

هاتتصافى مع جروحك 
تلاقى الصبر راس مالك 
تلاقى السكة راسمالك 
تلاقى الضحكة راجعالك

مع نوحك 
فى عز الحزن شوف فكرة هاتتبدل 
فى عز الكبت قول بكرة هاتتعدل 
ماتستسلمشى لشيطانك لاحزانك 
وهات ريشتك والوانك

وبوح بوحك
وارسم جوة جدرانك واحلامك 
هاتهزم كبت ايامك

واعلن ان اسلامك
ده دين واحد

واشهد ان فرعونك عليك جاحد 
ودايما وحد الواحد

وعيش نفسك مع طموحك 
ودور جوة احزانك

على نفسك

على روحك

ـــــــــــــــــــــــــــــــــــــــــــــــــ

الشاعر محمد المصرى
17\11\2014