منام ..بقلم الشاعر / مصطفى تيسير

 ألف كاهن جوا معبد ..

و الكاسات حوليها نار ..

و الكتب من عهد مينا ..

تحكي ف عصور التتار ..

و السواري و الجواري ..

و الجنية وي الدولار ..

قالوا يا ابني حرام عليك ..

الغرام دا مكنش ليك ..

بص جوا خطوط إيديك ..

تلاقي فيها بيت و عيلة ..

تلقي القصة مستحيلة ..

قولت ما باليد حيلة ..

و أعمل إيه ف داء الغرام ؟

هي قصة و السلام ..

هي قصة بالكلام ..

فجأة روحت لقتني قايم ..

كنت غرقان ف المنام ..

........................

بقلم مصطفي تيسير