هاكتب في مراتي
ديـــوان أزجال
وهاروح لأبوها اشكي الحال
وهاقول له كتير
عندها إهمــــــال
يمكن ينصحني اعمل لها ايه
فـــــــــرن
البوتجاز تنسـاه منقاد
ويوماتي تزور ميرفت وسعاد
والـــغدا والعشا
مالهمش ميعـاد
والصـوم خلتني أخدت عليه
أطباق السفرة في
أوضة النـــوم
وتنام وتسيب مواعين بالكوم
وبتضحك دايما
وانا مهمـــــــوم
وبتطبخ تونه.. يا إما
سوتيه
سخان الغاز على
طـــول مفتوح
وهدوم مرميه منين متروح
وليلاتي القلب
يبات مجــــــروح
وبيشكي ما حد يحــن عليه