* آه م الهوى **** بقلم الشاعر / رضا ابو الغيط

 
فتحت قلبى للهوى
سَكن الهوى قلبى
وم الهوى قلبى انكوى
والذنب مش ذنبى

ويا الأحبه ف الهوى
أنا سيبت قلبى عندهم
وحلمت لو نبقى سوا
وندوب كمان ف حُبهم
ويا القمر والسهرانين
كنا ليلاتى ف حُبهم
يا اللى تلوموا العاشقين
ف الحُب دول ايه ذنبهم
عايشين وعاشقين الهوى
وف الغرام شوفنا الدوا
يا لايمين العاشقين
مساكين ومسكين الهوا
ياريت تحبوا زينا
وتقربوا من قلبنا
شوفوا السعاده اللى ف عينيه
لو يوم يزورنا حُبنا
أو تسمعوا نبض القلوب
وتسألوها م الهوى
مش راضيه ليه منه تتوب
رغم الألم ف الحب آه
قلبى دايب ف الحب دوب
آه م الهوى وم الغرام
قلبى اللى حب ازاى ينام
يا لايمين أهل الهوى
طار ف الهوى كل الكلام
..............
 
رضا أبو الغيط