نسخه ماهيش كربونيه
نسخه لكن ربانيه
صوت وصوره
وطبع حامي
حتي حب اللي بحبه
الولد دا فيه غرامي
حتي حفظ كتاب لربه
نسخه بالتفاصيل باشوفها
شدني قلت أما اراقبه
كل أفعالي عارفها
إلتقيتها هي دأبه
أخده للجامع في إيدي
أصل ده محمد حفيدي
يورث اسم العيله عني
ونسخه مني
إحفظه يارب واحمي
بجاه نبينا التهامي
إبن إبني ده ولحمي
أأمره يسمع كلامي
شوفت فيه قدره عظيمه
والإله عظيم وقادر
يخلق النطفه الكريمه
م الأزل والأمر صادر
كوني فورا رح تكون
تحفظ النسل بإراده
هو عالم كيف يصون
وكل علمه قديم ياساده
هي فكره وجت في لحظه
قلت اسجلها بفني
للي مني
واحبه يحظي بالسعاده
وحسن ظني
نسخه مني
..........
أحمد عبد الوهاب