كنت زمان باسمـع من جــدّى
إن الكــدب مالــــــــوش
رجلين
وف أيــــامنا الكــدب ينجّـى
ممكن تــاخــــد بيه عـــلاوتين
وأنا حاحكيلكم ع اللى حصل لى
وبدل الواقعه ح اقول اتنين
**********
اتأخـرت فى يـوم عن شغلى
غصبن عنّى فى يــــوم الاتنين
لما قابلنى مديــــرى ســـألنى
عن تأخــيرى وجـــاى منين ؟!
قلت أصـارحه وح يقـــدّرنى
إن انا نمــت يــــادوب ساعتين
وبعـــد دا كـله خصم لى يـومين
يبقى الصدق يا خـــلق نفعنى
ولا بخيبتى رمــــــــــــانى لفين
********
مره زميلنا ( سعيد ) اتأخــــر
كان بيــــوصــل ( ليلى حسين )
وامّا مديرنا بعت يستفـســـــر
جـــه بيمثـــل بـــــــــــاكى
العين
قـال إيه حادثه وجاى متكسر
ووقـــف ينـقـــذ فــى المصـابين
قال له مديرنا وكان متــــــأثر
أصلك شهم وراجـــــــل زيـــن
وطلب منّا نحيىّ زمـيلنـــــــا
قــــــــولنا نحيىّ سعيد بـعـــدين
***********
رد عليا يا عم المفتى أصلى
احـــــترت مــــــا بين الاتـــنين
هــو الكــدب صحيح بينجّى
ولا الصدق مـــــالوش رجــلين