قاللى الدوا....
ياخد سنه
انا قلت ماااافى مشكله
زرعى اتهرى....
ومفيش امل
فى يوم اشوف السنبله
والصبر.. مفتاح الفرج
وبعد مدَّه من الزمن
دفعت ميت مليون تمن
- العود طرح-
قلبي انشرح
زغردنا طرنا من الفرح
وفجأه.. جت عاصفة هوا
وغراب صدَح
دبل الثمر
من عالشجر
سقط.. وحاله اهو انفضح
أتارى الكف اللى سقى
هوَّا نفسه اللى ذبح
من كتر دمعى اللى نزل
قلبى اتلوح
لو كنت تقدر... طببه
وحرام كفايه تعذبه
ولو فشلت ابقى اقتله
كيف الشجر
وسَلْ الغراب
ازاى توارى جُثِّته
هايعلمك.. شاهد الخراب
واكيييد
هايدلَّك عالتراب
خليك جريىء
واسمع كلامه... نفِّذه
على الملأ.. أو ف الضباب
لو كنت تقدر
وتُشْكَر
..............
جمال نصر