تاخدنا لبكرة أمانينا
نتوه في الخطوة بإدينا
يداوينا أمل مخنوق
ولما قلوبنا تدَّاوي بحضن الشوق
طلعنا لفوق
يا رعشة حلمنا المشنوق
علي بوابة الأيام
مسيرنا نفوق
وفوق الصبر هنعدي
ولو بشراع
ومش عاوز تصدقني
وانا الأوجاع
وميل الخطوة بتحدي
أملنا شعاع
ياأحضان الزمن حني وبزيادة
رسمتي الوهن علي توبي كا العادة
وديل توبي في سناني وبستاني
دبل أمسي
وتاه أسمي ما بين الناس
أنا اللي الصبر سماني
شبيه أيوب
ولجل ما اتوب
راح اكنب اسمي م الاخر
علي جبيني
ما انا لسه ......يادوب مولود
..................
شعر /عصام عبدالله