بياخدنى هواكى لأعتابك
يسلم ويعيش ..!!
ويدق الشوق بإيديه بابك
ليه مترديش ..؟!!
وانا عايش بيكى وعلشانك
وبقيت دراويش ..!!
واتارى الحلم النداهة .. متاهة
وانا قلبى اللى احتار .. جواها
والفرحة اللى بيستناها
حلفت ماتجيش ..!!
يا محنى ف ديل العصفورة
من دم الورد
والحزن بيغلب ع الصورة
والليل والبرد
وشوارع قليى المهجورة
ليه ماتساعنيش ..!!
واتارى الحلم النداهة .. متاهة
وانا قلبى اللى احتار .. جواها
والفرحة اللى بيستناها
حلفت ماتجيش ..!!
يا براح ف الروح ومالوش آخر
قلبى مسافر
من غير زوادة ... وبيعافر
وانا ع الآخر
لملمت الفجر المتاخر
ومالملمنيش ..!!
واتارى الحلم النداهة .. متاهة
وانا قلبى اللى احتار .. جواها
والفرحة اللى بيستناها
حلفت ماتجيش ..!!
......
سعيد شكري