لو كنا طلعنا بهايم
أكيد كان أحسن لينا ؟
أهو كنا نلاقي زريبة
علي أخر الليل تأوينا
و لا نقلب حق لباطل
و لا كنا نغمي عنينا
و لا كان العقل إتمرمط
و لا حد يشحطط فينا
ولا كنش الظلم غلبنا
و عرقنا يساوي تعبنا
و لا كانت تفرق يعني
خرابة و لا جنينه
فيها إيه لو كنا بهايم
زي ما قالوا أهالينا
و لا كنا هنحسد غيرنا
علي فسحة هناك ف مارينا
لو كنا طلعنا جاموس
أو كنا طلعنا ناموس
و لا كنا عرفنا فلوس
و لا حد بجزمة يدوس
كرمتنا و يقتل فينا
و إن حد نده يا بهايم
دا أكيد راح يمدح فينا
بقلم .. مصطفي تيسير