الفجر أذن ياولد
بصوت بلابل فى البلد
انهض قوام لبى الندا
الصبح عايز يتولد
الفجر اذن ياولد
اصحى وصحصح يالا فوق
ابدا قوام سنن الوضوء
وقبل مايهل الشروق
خلى فيه حبة جلد
دا الفجر اذن ياولد
قوم ياحبيبى واغتسل
دا نهار وجاى زى العسل
امامنا للجامع وصل
محتاج صفوف محتاج عدد
والفجر اذن ياولد
دا فرض واجب تعمله
يمكن فى ذنب وتغسله
وادعى الاهك يقبله
واطلب من الله المدد
الفجر اذن ياولد
كل الولاد استيقظوا
وضرورى بيك يتعززوا
الفرض لازم تنجزوا
وتبقى لاخواتك سند
الفجر اذن ياولد
نادى المؤذن للفلاح
حافظ على سر النجاح
والوقت ضيق مش براح
لبى وكبر تنسعد
دا الفجر اذن ياولد
............
احمد عبد الوهاب