علميهم
قد إيه القبح
فيهم
وان أرض الله
بتصرخ
كارهه حتى الشكوى
ليهم
علميهم
انهم ع الارض
عار
وانهم بذرة
قساوة
طرحها علقم
مرار
علميهم
كيف يكون معنى
الحنان
كيف تكون معنى
الامومة
جوة حضنك
والأمان
علميهم
انها ساقية
ودايرة
وان بكرة مش
بعيد
وان موج الدنيا
غادر
بكرة يبقى العبد
سيد
راحوا فين
الجبارين
فين قصور
السلاطين
التراب مليان
حكاوى
بكرة يحكيها
الوليد
علميهم
واكتبى ف كتب
المهانة
قد ايه الرحمة
ماتت
جوة سجن
الاستكانة
مش غراب بيوارى
جتة
تاه قابيل عنها
بغلطـــــة
النهاردة الصورة
أبشع
احنا ضيعنا
الأمانة
..........
محمود وحيد