ف ضحكتها اللى مش دايمة
بتوفى بوعدها ليا
وتطرح ف السما نجمات ..!!
ملايكة ف السما هايمة
ف قلبى تحل بالبركات ..!!
نسايم من عبير جاية
وضى بيغسل الطرقات ..!!
بنات الحور .. على النية
بتعزف جوه روحى نايات ..!!
جميلة ف كل شئ هى
وفيها من سمو الذات ..!!
حلاوة ... بنت مصرية
تشد الضهر .. ف الأزمات ..!!
وطيبة .. وذوق .. وحنية
هدية من سبع سموات ..!!
اشوفها ف عينى ... جنية
بتلعب بالتلات ورقات ..!!
تلخبط ... كل ما فيا
وتعدل ف اللى مال أوقات ..!!
واشوفها بريئة .... مطوية
ومكسورة الجناح ... اوقات ..!!
احن من النسيم ... هى
واصفى م الندى مرات ..!!
لأن حبيبتى ( إنسية )
بخاف أكتب عن الستات ..!!
.......
سعيد شكري