أول مرة نزلنا هتفنا
نزلنا الثورة محدش شفنا
قولنا هنهتف ضد الظالم
ضد الخوف اللى مكتفنا
كلنا كده بالصوت الواحد
ثورة وقامت على أكتفنا
يسقط كل عميل بيخون
عمره ما يأدر يلغى هدفنا
إحنا يا مصر صحينا خلاص
أول مره نعيش بشرفنا
كانت ثورة بجد عظيمه
عملت لينا حاجه وقيمه
قالوا المصرى قام واتحرك
صاحب همه وعنده عزيمه
ابن زوات وحضاره قديمه
كل العالم شاف ثورتنا
قرر ياخد من فكرتنا
قالوا المصرى هو الرائد
واحنا معاه هنشوف كرمتنا
قالوا هيفضل هو إمامنا
وحنا معاه هنشوف عزتنا
ثورة وقامت ع الاهداف
فجاءه لاؤونا قلبنا خلاف
حبه خناءه وحبه هتاف
شفنا سنين وليالى عجاف
شفنا ضحايا مئات والاف
بين مستشفى وبين إسعاف
عايزين أمن وناكل حاف
فين الثورة محدش شاف
عايزين نرجع تانى أحبه
عايز قلبى وقلبك يصفه
يعنى يكون أبيض شفاف
يعنى إيدى وإيدك وحدة
إيد على إيد عمرنا ما نخاف
*****
بقلم \ طه إبراهيم