عملتى ازاى كده فيّا
ياعفريته يا جنيه
تخلينى ادوب فيكى
عشان يعنى مانا سكر
فاعاوزانى أحليكى
حلاوتى أصلها منك يابنت الإيه
وانا يعنى بدون حبك
راح اطلع ايه
ولا حاجة
انا كل اللى بتمناه
اكون البصمة ف اديكى
واكون الدبلة والفرحة
واكون القبلة والسجادة
وابقى والنيه والطرحة
تصلى إمام وتدعيلى
اموت فيكى كمان نوبه
ماهو انتى الذنب والتوبه
وانا العاصى باحبك بس
يا أجمل ذنب فى قلبى
يا أجمل حاجة مكتوبة
على جبينى وف سنينى
انا بطلت اعد ايام
ومش عاوز لا اقوم ولا انام
ولا اعرف بكرة يطلع كام
كفايه عليا تبقى الشمس
تبقى الأمس
وتجيبى لبكرة معاكى طلعة فجر
من دنيا لا فيها عزول
ولا فيها سكوت ولا قول
ولاحدش بيعرفنا
لا من دولا ولا من دول
وتبقى ايامنا ماشيه لفوق
ماهيش من دنيا مقلوبة
باحبك مووووووووووووووووووت
وحاسس انى دى كلمة
ناقصها حروف ومعيوبة
وعهد الله
.........
حمدي موسى