وحــــــالي اللي
متعرفيهوش
لا كين حسّـــــاه
تعب قلبي عشان يداريه
وناسي إن العيون شايفاه
بيتراقص ما بين رمشين
بيدبحوا فيه
يطير لبعيـــــــــد
تشــــدّه النظرة وتهدّيه
يزيد نبضه
يعدّي هواه حدود حده
صبح عاشق ف أرض الله
ومش برضاه
لكن قسمة وشئ مكتوب
يدوب القلب ما يحسـّـــش
بإنهُ داب
فيغرق تاني ف بحورها
برغم إنه أكيد سباح
وعدّى كتير
وعاش عمرهُ كأنه أمير
هارون عصره
لكن بقليس تجيد عصره
وتملا الكاس دموع وآهات
فيهديها ...تيجان نصرهُ
ويرضى إنهُ يبات مهزوم
لكن مبسوط ومش ندمان
لإن الفايزه كت بلقيس
وإن العصر مش عصره
سنين وسنين ياما اتمنى
يعيش ساعتين
لكين القصر مش ...قصرهُ
خلاصة القول يا بنت الناس
سيبيه يرتاح
ولا تكوني بواح سمغه
ولا تكوني ...ضياء بصره
سيبيه يرتاح ...سيبيه يرتاح .
............
محمد البنا