و فرحة قلبنا تايهه
ندا قلبي
مهيش سامعه
و مسموح الضلال فيها
و سمينا باسم الحب ف الأول
و صلينا
نسينا نوضي احساسنا
فضلينا
ختمنا بوهمنا عيونا
200مرة
و لا مره بكت للصدق ده
عنينا
فرشنا الحب
و نسينا نقيد له شموع
نوينا الصبر
و لا مره نوينا خشوع
اتاري النيه مش ف القلب
محل وجعها كان مسموع
و بركة حبنا ولت
و حل مكانها ليل و دموع
سافرت لحد أيامك
ف عز الحر
و أديت الفروض كامله
و صمت صيام داوود طاعه
و حليت حبي بالتقوي
ما حيدتش عنه و لا ساعه
اتاري هوانا كان بدعه
و شهر الحب ده ضلاله
و صوت القلب من دمعه
صبح موجوع
............
جهاد زيادة