ازرع قلبك كله محـــــبه
ازرع كل القلب حنان
املا حياتك خير وتسامح
تلقى جناين ورد تبان
اوعى الضحكه تفارق وشك
اقفل للتكشيره بيـــبان
انسى الماضى وكل جراحه
ارسم حلم بإيد فنــــان
اغنم كل ساعات الحاضر
إياك تدى العمر أمـان
مهما الشمس تغيب راح تطلع
بس الفرحه دا ليها أوان
خلى الطير فى سماك بيرفرف
سيب لحصان الفرحه عنان
إياك تيأس أو تتشائـــم
ربك بينا كريم منان
سيب الحلم يقول غناويه
سيبه يطير زى الغزلان
ازرع قلبك كله محـــــبه
ازرع كل القلب حنان
...............
راضي علي الطهطاوي