اخر جواب م البطل ل امه كتب الجواب وحروفه من دمه البسى الابيض ابنك عريس زغرطى يامه حرمانى م الضمه كنتى الونس والنور فى الوحده واللمه نفسى المسك واتملا واسمع حكاية بطل واتسلا فى حرب الاستنزاف والنكسه والحوسه شال العلم والنصر كان بوسه ولا خاف فى يوم الموت ولاهزه رعد وبرق عدى وشال حلمه على برك الشرقى اصله صحيح ابنك ماهوش ملقى ولا يتباع ولايفرط فى شبر تراب ولو ضهره اتحنى او شاب شايل فى قلبه حجاب اسمك يامصر الباب ع الجنه مكتوب البسى الابيض وزغرطى يامه حضنها زيك تمام فى الرحمه والضمه اخترت بينك وبينها اخترتها يامه اخترتها يامه
