من قلبى ها نقول حكايات
ع القلب اللى تملى يبات
ودموعه فوق خده تسيل
وبيشرب م الحزن كاسات
حكاياتى عن حُب ومات
من قسوة شبان وبنات
فاكرين انى الحُب تسالى
وليالى تخلص ف ساعات
على قلب وكان لسه صغير
لا بيسهر ولا عمره اتحير
وف ليله شاف بنت جميله
من نظره ومن ضحكه اتغير
على بابها بقى رايح جاى
وبيسهر معرفش ازاى
من لهفة كده قلبه عليها
بقى عاشق مغرم بالناى
وأتاريها كده مش حاساه
ولا حاسه بالحب معاه
مشغوله بغيره ولغيره
راح تسعد بهواها هواه
من يومها عايش ف مرار
لا هو طايل ...جنه ولانار
وليلاتى نسهر نداويه
ودوانا ....ف قلوبنا احتار
لا عيونه أهى عارفه تنام
ولا طايل من رمش سلام
يا خساره ع القلب العاشق
بِنيه .....مش لاقيه حمام
جكايات العشاق دى كتيره
وبطلها مشتاق واميره
مكتوبه وبدمع العين
على صفحه ف كتاب الغيره
********************
رضا ابو الغيط
من قسوة شبان وبنات
فاكرين انى الحُب تسالى
وليالى تخلص ف ساعات
على قلب وكان لسه صغير
لا بيسهر ولا عمره اتحير
وف ليله شاف بنت جميله
من نظره ومن ضحكه اتغير
على بابها بقى رايح جاى
وبيسهر معرفش ازاى
من لهفة كده قلبه عليها
بقى عاشق مغرم بالناى
وأتاريها كده مش حاساه
ولا حاسه بالحب معاه
مشغوله بغيره ولغيره
راح تسعد بهواها هواه
من يومها عايش ف مرار
لا هو طايل ...جنه ولانار
وليلاتى نسهر نداويه
ودوانا ....ف قلوبنا احتار
لا عيونه أهى عارفه تنام
ولا طايل من رمش سلام
يا خساره ع القلب العاشق
بِنيه .....مش لاقيه حمام
جكايات العشاق دى كتيره
وبطلها مشتاق واميره
مكتوبه وبدمع العين
على صفحه ف كتاب الغيره
********************
رضا ابو الغيط