أبوها النيل ******** بقلم الشاعر المتميز / علي جامع

أبوها النيل
وشهد الميّة من عرقه فى أسفاره
عشان مايجيب لنا اللقمه اللى تهنالنا
ورسمالنا
نكون أحفاده فى كدّه
ومين غيره
لاتعبه الجرى ولاهدّه
ومين قدينا
مين قدّه
بيحضن غير
ويحفن خير
وحتى اللى مالوش فيه خير
اذا جاله استحى ردّه
أبوها النيل
وبنت النيل
صبيه بتغزل الفرحه من الحرمان
طواقى لأجدع الصبيان
واذا ضاقت على روسنا
بتحضنّا
وبتبوسنا
وتبدرنا فى كل ميدان
نبيع فيه الهمم عاليه
وندّى حصادنا للغاليه
وندفع عادى كل زمان
من الغُربا
وحتى ان كان من الخلّان
عن المحروسه بنت النيل
دى أحلى عروسه بنت النيل
وابوها النيل
أبوها
ا
ل
ن
ي
ل
............
علي جامع