ما دام النن ده ننك
ولون الضحكة من سنك
بإيدي أنا إيه
غير إني أكون
آخر عاشق ف محرابك
ومش فارق
تميلي لمين
مانا المسكين ونا الدرويش
ونا اللي أمين لأسرارك
ونا الجنة ف أحلامك
وبالأشواق أنا نارك
هتفرق إيه ؟
عيون من شوقها بتحابي
طيور شاردة
ليها ميت لون
أكون مجنون
لو إني أخاف / عيون الجان
ولو حتى هننسابق / على قلبك
و.....تسبقني
لسحر العين
هأنام مرتاح
مانا الساكن ونا الحاكم ونا الآمر
ونا الصابر ....سنين وسنين
عيونك فين تروح مني ؟
مادام الفلب والنني
ولمس الإيد ....بيعشقني
لا من إنسي
ولا ....جنّي
ف لحظة هأخاف .
.............
محمد البنا