بتغيرى ليه كل ما بــاجى اكلمّه
هو الغرام مين اللى يقدر يكتمه
لو كان هـيـامك ليه بجــد
كان ابتدى وياكى مشوار
الغرام كان كمّله
اصل الغرام محتاج كلام
محتاج قلوب يستسلموا
والعند ما يجيبش ف حلول
من غير ما اقول
موضوع هوانا وعشقنا
هو اللى يقدر يحسمه
مبروك عليكى ان كان يقول
وانا مش عزول
ولا عاوزة اشاغله وانيّمه
ولا عاوزة اترقـّص قصاده
واكعبله
ولا عاوزة اشغل ليه فؤادة
واهبله
انا عاوز اسيبه
عشان بإيدة الإختيار
وان شفته ح يشاور عليكى
ح ابهدله
وح اقوا له ايه الفرق بينا
وافهّمه
أوراق ورودك دبلانين
بستانها بور
مين اللى يوم يتحمّله
مغرورة ازيد م اللزوم
عصبية اكتر م اللزوم
اصل الجبيب محتاج حببيب
يتأمّله
اصل الحبيب لو يوم يغيب
محتاج حبيب يستحمله
والحل لو كان ينقسم
كنا اتفقنا
ونقسمه ..!!!!
.........
شريفة زيدان