اخطفى شروقك ... بقلم الشاعر المبدع / وائل سويدان

(

اخطفى شروقك
يابلدى
حطى
فـِ عروقى التحدى
وان قالولك
فين مكانك ؟
قولى
كل الدنيا بَعدى
شمرى دراعك
وهِمى
والضمى
اسمك فـِ اسمى
واندهينى هاقول
ياامى
روحى مركب
بيها عَدى
انتِ
على عرش الحضاره
وانتِ
للعالم مناره
واحنا
راضعين الجساره
كلنا فـِ الشِده
جُندى
امسحى
دمع الخدود
النهار
لازم يعود
مين هيقدر
ع الاسود ؟
ازئرى
وانا ببنى مجدى
حقنا
مافيهوش مساومه
جيشنا
مصنع للمقاومه
فإضحكى
مـِ القلب ياامه
هاتى يدك
وادى يدى
اخطفى شروقك
يابلدى
حطى
فـِ عروقى التحدى
وان قالولك
فين مكانك ؟
قولى
كل الدنيا بعدى

ســـــــــــ وائل ـــويدان