لو تعرفي
لو تعرفي ان الحنين
مش بس نظرة وكلمتين
ده جوة قلبي
شعور وعايش من سنين
*****
إحساس جميل رغم الألم اللي اترسم
لما الزمن حاول يضيع حلمنا
خلي الدموع من شوقها جاية بتبسم
لما الأمل لملم هوانا وحبنا
*****
لو تعرفي ان العيون
دايما بتحسد فرحنا
وان العوازل كلهم
عايزين فراقنا وهجرنا
بس احنا غصبن عنهم
باقيين على حب السنين
ومهما هانشوف منهم
مع بعضنا ومكملين
وهو ده معني الحنين
لو تعرفي
.......
محمود الشريف