وش القمر .......الشاعر الدكتور صلاح طاهـر

***********
يابت ياللى القمر ........نوره دا من خدك
ارجوكى حنّى بقى .... باطلب كتير ودك
نفسى فى يوم الهوا ..ياخدنا واحنا سوا 
من كتر شوقى قوى. باطلب خلاص يدك 
***
ياوش زى القمر .....فى الحب مين طاله 
زهـَّرتى كل الشجر .....والزهر مين طاله
تفاح خدودك طرح ......والقطف جه وقته
بسى عِلِو القمر ....ماعرفش مين طاله
***
يابت ياللى الهوى ....هفهف على توبك
الحب قسمة وقدر ... يجعلنى محبوبك..!
باحلف عليا الهوى... لو رمش عينك نوى 
اغزل بخيط القمر ......عشقى ومكتوبك 
***
يابت ياللى الهوى. ...هفهف على شالك
لايق عليكى الهوا....... والعشق احوالك
يحرم عليا الهوا ..............لأغنى موالك
والمهر نجمة سما....... باحلف أجيبهالك

ــــــــــــــــــــــــــــــــــــــــــ
د / صلاح طاهر