ومات شاعر
ما خطاش
الكلام قدمه
ما خطاش
الخيال بوحه
ونوحه وكله من عدمه
وساب الجرح
جوانا
بيشكي لنا
ويوحي لنا
وساب الدمع
مرسانا
وساب الخوف
يغازلنا
فكرمش بكره
في حواله
ووديها علي قبره
وخذ احساسه
في رساله
ونشف دمعته بي صبره
ده طعم الموت
كما العلقم
وكله في الطريق لزوال
ومين روح
ومين سلم
ومين همه
يهد جبال
فلو جالك ٢٠٠ ناعي
ما تبكيشي علي موتك
سكوتك اتردم فينا
يعزينا بلا صوتك
فشق القلب بالراحه
ولما نيجي لك
اتاخر
ودفينا في احضانك
عشان الدمع
ع الآخر
بينزل جري ع الورقه
يبل الارض فواحه
ولو نضحك يادوب سرقه
نلاقي الدمعه دباحه
يا واقف في الصوان
فرحان
عزاك واخده من الاموات
بتترحم علي روحك
وتوزن ترفض الهنات
فتكتب
كل أشعارك
علي الكوثر بدال النيل
وتسكن والنبي جارك
ومن زمزم تلاقي سبيل
وليه الصوره مهزوزه
وخلق كتير علي بابي
انا قلبي انفطر في
ومين هيحس بعذابي
وماتت حته من قلبي
وسبقتني علي ترابي
قضيب الهم
ممدود لي
وصوت الجرح
مولود لي
عليل الحزن في قلوبنا
ولو قطعتوا في كتابي
....................
سيد عربي