السنين بتعـدى تجرى و انتى باقيه كالعروســــه
نفسـى أوهب كل عمرى بس آخـد ألف بوســـه
الشموس دايما تلالى و انتى ساكنه ف العلالى
و القمر بطـَــل يلالـــى من جمالك يا عروســــــه
مَيتــــك بلسم يــداوى جــوا قلب المجروحـــــين
ضحكتك منجـــم غناوى أو دهـــب للمحروميــــن
أحلى ضحكه ع الشفايـــف للى خايـف أو حزيــن
أحلى سكه للى شايـــــف دنيته جـرح و أنيـــــن
الغنــاوى مهما توصــــف و الكــلام مهما يقـــــول
و الحكاوى مهما تحــــكى الكـــلام يخبل عقـــول
يللى حُبــك نهر يجــرى زى نهــر النيل يا مصــــر
حب ساكـن جوا صدرى يتبــنى لــه ألـف قصـــــر
الشموس دايما تلالــى و انتى نورك ف العلالــى
و القمر قاعد بيشـــكى من جمالك ياعروســــــه
يحرس الله يا عروسه
يحرس الله يا عروسه
ــــــــــــــــــــــــــــ
رءوف حجر