حبة غـــرام
ساكنين فى نينى القلب
من جوة
عشق وهيام
مهما يدور بيا الزمان هاصرخ
وأقول هًو
على دقتى فارد جناحه
من سنيــــن
وان غاب ثوانى ابقى
من غيره حزين
صابر معايا ع الهمـــــــوم
لا بيشتكى ولا يوم يلوم
وان شاف دموعى يتوجع
ويخاف ينام
حبة غرام
بيهم باكمل سكتــــــــــى
رغم الألام
وارسم على خدى الأمل
وسط الزحام
وافتكر فين اللى كانوا
جنب منى قريبين
فين الحبايب والقرايب
فين الحنين
واما اتعب م الســــؤال
القى حبيبى عليا مال
بيدارى عنه دمعته
ويقول حرام
حبة غرام
لولا وجودها جوة منــى
كنت انتهيت
كانت غصون القلب دبلت
وبمرارها ارتويت
لكن عشان لساه حبيبى
عودى لسة ما اتحناش
لسة فيا القلب أخضــــــر
والحنان ما انتهاش
لسة فينا النية صافيــــــــة
شمس ضى ونسمة دافية
مهما تبقى الدنيا جارحة
حبنا دايما سلام
حبة غرام
.............
محمود وحيد
شكرا اختى الراقية منى الغريب تحياتى
ردحذف