إحنا بتوع الأتوبيس
والرقص ع السلم
واخدينها بالتوريــث
ولبعض بنسًلــــم
*************
بنخاف قوى م الضى
وبنعشق الضلمــة
أبدا ما لينـــــــــا ذى
بتهدنا اللمـــــــــــة
***************
متبعترين على طول
وعصايا تجمعنــــــا
العرض ذى الطــــــول
بنموت فى أوجاعنا
****************
الهمة همة غـــــــدر
والقرش قبلة ودين
والغل مالى الصـــــدر
ولبعضنا بنديــــــــن
*****************
الأرض للى يــــــدوس
واللى بيتفرعـــــــن
وابن الحلال مدسوس
وف ثورته أرعــــــــن
*****************
عايشين ميزان مقلوب
وكفوفه متباعـــــــة
والعدل بات مصلـــــوب
والصبر شماعــــة
****************
بغبغ وقول ما تقــــــــــول
ولا كلمة مسموعة
طول ما إنت مش معقول
فالكعكة مبلوعـــة
*****************
محمود وحيد