هو أنت مين ؟.....بقلم الشاعر / مصطفى تيسير

إلبس هدومك ..


و إضحك الضحكة الاخيرة في دنيتك..


ميت ألف باب متفتحين ..


مستنيين وقت أما تخرج حضرتك ..


يا هل ترى في لسه باقي طوق نجاة ؟


يا هل تري في لسه فاضل ف الحياة ؟

كام فرض ضاع منك و تاه ..

و كام طريق مشيته من ألف إتجاه..

إللي باقي مش كتير ..

نهار طويل في اخره تكمل سكتك ..

مش باقي غير أنفاس ف عداد رحلتك ..

و كتاب هتخده لما توصل أخرتك ..

كتاب شمال .. كتاب يمين ..

هو إنت مين ؟

لو كنت تعرف يا غبي ..

لكنت صليت ع النبي ..



.......................


بقلم .. مصطفي تيسير