عمرك حسيت
بالجوع
أو آآه الموجوع
عمرك ماحسبت
إزاي هتعدي
الاسبوع
عمرك مره
أتمنيت
بكره ميطلعشي
نهــــاره
علشان مايقعشي
عليك بجداره
عمرك حسيت
كام عين حواليك
بستنوآ رجوعك
خايفين لتموت
من قبل ما يكمل
موضوعك
عمرك حسيت
إنك مهزوم
وإنك بتحارب
عفاريت وهموم
او حلمك بيموت
مفطوم
وإزاي هيحس
الفرعون
بـ المظلوم
عمرك حسيت
الليــل
ومشآنق
علي قد رقبتك
وبتسمع حكم
الإعدام
من غير نقض
ولا استئناف
بتخاف
هتخاف من ايه
عمرك
كملت اليوم
ترقيع
عمرك حسيت
إنك ف مزاد
للبيــع
زعلان ؟!
إحساسك مجروح!
أحسن من إنك
تبقي المدبوح
صدقنــي
يا هتغرق
يا هتركب ف سفينة
نــــوح
أنا عايزك بس
تفـــوق
قبل ما تخسر
أجمل روح
قبل ما تخسر .. أجمل روح
الشاعر / أشرف الشناوي