محتاج ياصبر تمد ف جذورك
تثبت ف أرضك أوى
وتثبت أقدامى
محتاج لطاقة قدر ف العتمة
محتاج بصيص الامل
ف السكة قدامى
محتاج لدعوة من تراب أمى
محتاج لحضنك أوووى
ولحب إلزامى
محتاج ياقلب حبيبتى تصفالى
يادنيا ريحك عفى ....
بيهد أحلامى ..!!
ياكل كل الطيبين بالصبر ادعولى
جمل المحامل برك
والطلق كان حامى!!
مليون يهوذا اتجمعوا لمسيح
قربان ذبيح والظلم مش تسبيح
شقوا شراعى اشتد عزم الريح
والبحر عالى والنهار دامى ..!!!
ياكل كل المخلصين بالصبر إدعولى
ياكل كل المؤمنين بالامل نظرة
يشتد عودى معاه واصلب عليه طولى
يمكن ياباب الرجاء تفتحلى لو مره !!!
..............
سعيد شكري