يآآآه
عـ الدنيا
لما تفرق
بين قلبين
وتلقي حبيبك
يجي قدامك
ويبقي حرام
تسأله كان فين
يآآآه عـ الدنيا
لما تكــون
عطياك وشين
خليك واقف
زي ما كنت
هتروح فين
ياآآه ع الدنيا
لما تفرق
بين حبيبين
كان الحلم
ما بينهم واحد
صبح الحلم
خلاص اتنين
لساك حاسس
لمسة إيدها
فاكر لما
الكلمة تعيدها
وكأنك لسه
بتسمعها
فاكر أيوة
كمان ضحكتها
يآآآآآه عـ الدنيا
وعلي غلاستها
فاكر لما
جرحت التوته
راسم قلب
وكام حدوته
حبك أصبح
لحن ف نوته
لساك فاكر
إن الحب
هيرجع تاني
او هتحسه
ولو لثـواني
أرجع تاني
الكهف وكمل
لما الشايب
يرجع عيل
يآآىه عـ الدنيا
لما تمــيل
خلي الحلم
يدوب وكفايه
ما أنت خلاص
أخترت نهاية
قصة وكانت
جوا روايــة
قصة وكانت ... جوا رواية !!!
........................
الشاعر / أشرف الشناوي