صباح الفل يا ننه
عيونك حب يتغني
دي نظرة بشوفها كل صباح
كأني وصلت للجنة
***
صباح الخير علي عيونك
علي خدودك علي كلك
بتضحك لما بتشوفني
أنا بابا ومين قال لك
***
صباح الخير أنا جيت لك
آخد لي بوسة من خدك
واقول لك سر جوايا
مليت القلب من حبك
***
بتوحشني وانا برة
وانا ف شغلي بعيد عنك
فبرجع جري علشانك
بتوحشني وانا جنبك
***
بشوفك كل يوم بالليل
بنام علي فرحة تكفيني
ولما بتبكي نص الليل
بقول مالك يا نور عيني
بحبك فوق ما تتصور
وخوفي عليك كمان أكتر
يا قلب الفل يا مسكر
يا فرحة عمري وسنيني
***
بحس بفرحتك وبكاك
بنادي لماما تستعجل
بسرعة الننه زعلانة
وقلبي ضعيف ما يتحمل
***
بتحكي لي وبسمع لك
كلام بينا ما يفهمهوش
وبضحك لو تقول بابا
حبيب قلبي بوجه بشوش
***
صباح الفل يا ننه
...........
هاني عبد الوهاب
