السم في العسل بقلم الشاعر / وائل النجار المريسي

السم عشش في العسل
وعقولنا بتموت بالبطئ
مين اللي فتش مين وصل؟
مين اللي مذنب مين برئ؟
!!ياللعجب

مين اللي فكر ف السؤال؟
مين اللي مال عن الطريق؟
مين اللي قال إن احتمال
!!بالجهل نصنع أي شيئ؟
وعليك كدب
مين اللي شال مين اللي طال؟
مين اللي عايم مين غريق؟
مين اللي فاضل م الرجال؟
مين الجبان مين الجرئ؟
مين عنده رد على السؤال؟
مين العدو ومين الصديق؟
مين انسحب؟
مين اللي نايم في العسل؟
مين اللي تايه في السنين؟
مين اللي عاش مين اتقتل؟
مين اللي خان مين الأمين؟
مين السبب في اللي احنا فيه؟
والغدر ليه والقسوه ليه؟
روحوا اسألوا المجني عليه
الجاني مين؟
مين السبب؟
قولووووولي مييييييين؟؟؟
...................
{ وائل النجار المريسي }