حبى ليكى
مش اونطه
ومش مناهده
ومش ملابطه
ومش شويه تعديلات
ومش اغانى
ومش امانى
ومش تهانى
ومش هدايا وبرفانات
حبى ليكى
مش كوليه
او غوايش او ضفيره
حبى ليكى
مش مصالحه
او خناقه ف وقت غيره
ومش مكالمه بالساعات
حبى ليكى
زى مرسا
لما موج الدنيا
يقسى
وانا حاسس
وانت حاسه
ومش ضرورى التعبيرات
حبى ليكى
مش مقابله
ف الخلا
او تحت ضله
حبى ليكى
مش مقاوله
او معايره بتضحيات
حبى ليكى
مش نواصى
او كراسى
او سكك
مش كلام مرصوص كأنه
تنهيدات
بالزمبلك
ومش شطاره
ومش مراره
ومش سيجاره
وولاعات
حبى ليكى
حب نادر
زى قصر من الجواهر
يسكنوا فيه
الاكابر
والمشاعل
والمباخر
اللى يرسم
واللى شاعر
واللى يعزف
بالمشاعر
واللى غنى
غنوه تسحر
واللى يحكى
ف النوادر
حبى ليكى
حب راقى
حبى ليكى
حب ................. فاخر
............
عماد الدين علي