ومتحبتش
من يومى ولا حبيت
ولا سهروا ووقفولى
قصاد البيت
ولا كتبوا ف عيونى شعر
ولا حطوا لوصالى سعر
ولا اتمنوا ازيد منه
ولا داب اللى اغيب عنه
ولا اللى شافنى قال انه
خلاص بيموت
ولا استنونى ع الناصيه
لحد ما افوت
ولا رسمونى ف اللوحه
وجنبى بيوت
ولا تليفونى متسيف
على تليفون
رقيق احمر
ولا اتقال لى
دا قلبك قاسى متحجر
ولا اتغنى لى اغنيه
بصوت انغام
ولا واحده بتتلكك
وتسألنى دي ساعتك كام ؟
ولا كرهونى لما اتقل
ولو سهروا وقلبى ينام
ولا نقوا لى من بيرم
وشعره كلام
انا من يومى
متصاحب
من الصبيان
لا عمرى لقيت
ف يوم توكه
ولا حتى ندغت لبان
ولا اتفرجت
على ( فاطمه )
ولا لقطه
ليه اتفرج ؟
دا انا واصحابى
ف ساعتها
بنضرب بعض
ونهرج
انا دفيان باصحابى
لكن قلبى متكتك برد
صحيح بضحك
لكن نفسى
اجيب فى مره
صحبه ورد
واظبط روحى
واتشيك
واهدى الورد
مره .................... لحد
.................
عماد الدين علي