جرالك إيه ؟!
بقالك يوم بعيـــــد عني
ما بتزورينيش ف أحلامي
ما بتمرّيش على حروفي
يا خوفي يكون...هواك ناسي
وطيفي ماهوش على بالِك
جرالِك إيه ؟
وليه الحال بيتغيّر ؟
وعمر الشوق بقى قصيّر
شروق الفُرقة جه بدري !
وشمسه لونها بيحيّر
ماهيش شمسك
وغاب همسك عن الصفحات !
جرالك إيه ؟...مُنــــايا أعرف
ولو ده اللي
حاسس أنا بيه
أكيد هأبعـــد
مشاعر حرفي هأكتبها
ف صفحة ســـكات
ولو سألوكي يوم عني
قوليلهم...مات ...
................
محمد البنا