فيثاغـــورث ..حب فاطمـــة
بس فاطمـــة ما حيتــــوش
أصله كان لابس وشوش
وش منهم كان حجـــر
والبنـــيّة ...
شايفة كل الناس وحــــوش
والشريف منهم ...خطر
فاطمـــة زعقت " مين يحوش
عن وليـــّة...
ضلع قايم واتحشـــــر "
تعمـــل إيه والودن طــــين
والعجيـــــن نفســهُ اتعصــــر
بحر كان مليان سمك
وصابونة أرشميديس طافية فوق
فجأة وقعـــت ف الشبك
ضلع قاعد كان ف حالـــهُ
شافها ظن بتنتحـــر
ضلع تالت مال بضلّــــهُ
شد بين حرفين...وتـــر
فاطمـــة
دابت ف الزحام
فيـــثاغورث...
اللي كان تمثـــال حــجر
لسّه واقف في مكـــانهُ
ناس شافوه قالوا ..انتصر !!
..............
محمد البنا