سينا
مش عرض سيما
والا هي ملك
لحد فينا
سينا حتة مننا
مهما حيينا ...
الدم
وسط الرمل
شايل
م الحكاية
كتير
لحظة عبور
الفجر
كانوآ بيكتبوآ
حق المصير
والصبح شايل
فوق كتافه
عبير
بين كل شبر
وشبــر
غنوة تنشبك
لأميـــر
والفرحة ساعت
كل قلب
و روح
عدت سنين
الذله
راسمة النوح
لاسمر
كتب اسمه
في اول لوح
مصري ما يعرف
لون هزيمه
وموت
مصري كسر
عزمه
حدود الصوت
والوطن
فوق كتافه
يمامة وف غية
حمام
لما انتصر
رسم الحقيقه
سلام
رفع العلم
كتب القلم
قصة أسود
ما تنام
مصر العروسة
في قصرها
خــدام
حنت كفوفها
بدمنا
رسمت حكاوي
تلمنا
وفضلنا نكتب
اسمها
قبل ما نكتب
اسمنا
مصر الوطن
لو ينكسر
يبقي اللى باقي
ماهوش لنا ......!!!
...........
الشاعر / أشرف الشناوي