.من فن. الواو _ _ _ _ _ للشاعر الكبير / عبد الستار سليم

عدينا. . في ست ساعات
****ا

أرض البطولة يا. " سينا "
واكتوبر اللي . ناداكي
على شط. نصرك رسينا
وارواحنا كانت فداكي
***ا
سلم عليهم بالاحضان
أبطالنا صيطهم مدوي
النصر. جانا في رمضان
بري. وبحري. وجوي
***ا
ياللى حميتوا. وطنا
دول العطاشا. ودي ماكم
مهما حكينا. ورطنا
رويت. رمالها. بدماكم
***ا
يا مصر حليت. مراكبي
و رفعت. للعشق. راية
نيلك ده.جاري. في ركبي
لاجلك عشقت. القراية
***ا
عديتي. و " الله أكبر "
عدت. معاكى. تحارب
والنصر. هلل. و. كبر
و. عبر معاكى فى قارب
***ا
عديتي في. ست. ساعات
طيايير. و. جند . وسلاسل
شوف.كل " سينا " ما ساعات
فرحة جنودها البواسل
***ا
قيدتي خصمك. بقيد ليف
ولا. حد يقدر يحوشك
لو. تلتميت. خط " بارليف "
يتهدوا. بإيدين. وحوشك
***ا
رايح. وجايلك. يوماتي
مسروجة. دايما. خيولي
ومعايا. سيف " الزناتي "
أيوة ... حمولك. حمولي
***ا
من " واو " عبد الستار سليم